Señor cura: toy asustau. Resulta que esos que manden en Europa han decidiu que hay que quitar los crucifijos de les clases de los neños porque violen el derechu a la educación y la libertad religiosa. Y qué ye lo siguiente, Pater? Porque la Catedral ye un símbolu religioso y la cruz de la bandera de Asturies también. La bandera tien fácil arreglo. Ye facer otra y en vez de la cruz ponse cualquier babayada que nun moleste a naide (una madreña por ejemplo. Ah no, que igual quitai la libertad a los que venden les cachuscas). Pa lo de la Catedral ye más caro pero tien arreglo. Basta con facei una funda y ponésela con una rajina pa entrar los católicos. Lo que nun toi dispuestu ye a quitar la cruz de la puerta de la cuadra. Que los neños vuelvan de la escuela por otro lau. Con lo que cuesten las vaques, a ver si van a cogeme un mal de ojo o cualquier cosa por facer caso a esos señorones de Europa.
Sabe lo que i digo: que tan refalfiaos, que esto pasa porque nun tienen nada que facer.
